Skattar og önnur gjöld

Icelandair leggur á eldsneytisgjald til þess að koma til móts við kostnaðarauka af heimsmarkaðsverði eldsneytis. Gjaldið, sjá nánar töflu, miðast við lengd flugsins og upphafsstað ferðar. Gjaldið á við um alla farþega, að börnum meðtöldum.

*Gjald innifalið í fargjaldi.

Þegar flogið er með Icelandair og samstarfsflugfélagi á einum miða, inniheldur fargjaldið eldsneytisálag frá samstarfsaðilanum. Upphæð eldsneytisálagsins fer eftir flugfélagi, lengd flugsins og því hvar miðinn var keyptur. Upphæð eldsneytisálags kemur fram á greiðsluyfirliti við bókun.

Upphæð NAV-álags innan Kanada fer eftir vegalengdum og getur verið 9, 15 eða 20 CAD. NAV-álagið í millilandaflugi er $7.50 CAD/USD hvora leið. Þetta gjald er innheimt vegna þeirra gjalda sem Icelandair greiðir NAV Canada og öðrum erlendum ríkjum til þess að geta starfað innan flugkerfis Kanada og annarra erlendra ríkja.

Þegar ferðast er til eða frá ákveðnum áfangastöðum á háannatíma, er mögulegt að aukagjaldi verði bætt við flutningsgjaldið í fargjaldinu. Upphæðin sem er innheimt er breytingum háð, sem og þær dagsetningar þar sem aukagjaldið er lagt á.

Frá og með 8. mars 2023 innheimtir Icelandair ekki lengur bókunargjald af bókunum sem gerðar eru á Icelandair vefnum. Bókanir með brottför frá vissum löndum sem gerðar voru fyrir 8. mars 2023 hafa bókunargjald innifalið og á það við bæði fullorðna og börn en ekkert gjald er greitt fyrir ungbörn undir 2 ára aldri. Bókunargjald er óafturkræft og á við hvern farþega í samræmi við töfluna hér að neðan: 

Farþegi greiðir alla skatta og opinber gjöld sem lögð eru á flugfélagið eða farþegann af stjórnvöldum eða öðrum yfirvöldum sem og rekstraraðilum flugvalla.

Upplýsingar um endurgreiðslur má finna í þeim fargjaldareglum sem eiga við um farmiða farþega.

Flugverndargjald farþega (e. Air Travellers Security Charge): Kanadíska þingið lögfesti flugverndargjaldið til þess að fjármagna aukin umsvif öryggisgæslu í flugsamgöngum í Kanada í kjölfarið á atburðunum sem áttu sér stað 11. september 2001. Í innanlandsflugi er gjaldið $7.12 CAD fyrir hvora leið, samanlagt $14.25 CAD. Í millilandaflugi er hámarksgjald fyrir hvora leið $12.10 CAD / USD og samanlagt hámarksgjald því $24.21 CAD / USD.

Viðhaldsgjald flugvallar (e. Air Improvement Fees): Margir flugvellir í Kanada og víða annarsstaðar um heiminn innheimta gjöld vegna viðhalds flugvalla. Í sumum tilfellum innheimta flugvellirnir þessi gjöld við brottför á flugvellinum; í öðrum tilfellum eru gjöldin innheimt þegar miðinn er gefinn út og koma fram í yfirliti á flugfargjaldi. Hér fyrir neðan er yfirlit yfir þá kanadísku flugvelli þar sem viðhaldsgjaldið reiknast með í flugfargjaldinu. Allar upphæðir eru gefnar í kanadadollurum.

Flugverndargjald farþega (e. Air Travellers Security Charge): Kanadíska þingið lögfesti flugverndargjaldið til þess að fjármagna aukin umsvif öryggisgæslu í flugsamgöngum í Kanada í kjölfarið á atburðunum sem áttu sér stað 11. september 2001. Í millilandaflugi er flugverndargjaldið $25.91 CAD / USD á öllum flugvöllum í Kanada.

Viðhaldsgjald flugvallar (e. Air Improvement Fees): Margir flugvellir í Kanada og víða annarsstaðar um heiminn innheimta gjöld vegna viðhalds flugvalla. Í sumum tilfellum innheimta flugvellirnir þessi gjöld við brottför á flugvellinum; í öðrum tilfellum eru gjöldin innheimt þegar miðinn er gefinn út og koma fram í yfirliti á flugfargjaldi.

Skattlagning og opinber gjöld erlendis: Ríkisstjórnir erlendra ríkja innheimta af flugfélögum ýmis konar skatta og gjöld. Slík gjöld eru yfirleitt innheimt á hvern farþega fyrir sig og ólíkar ástæður liggja að baki álagningunum. Gjöldin snúa þó fyrst og fremst að öryggismálum, tollgæslu og innflytjendaeftirliti, innviðum í flutningsstarfsemi og viðhaldi flugvalla, umsjón flugumferðarkerfisins, umhverfismálum og aðlögunargjöld ríkisstofnana.