Flug til Billund með Icelandair, verð frá 33.455 kr.*

Billund í hnotskurn

Vilt þú komast í frí fjarri klið stórborgarinnar, en þar sem er þó nóg við að vera fyrir unga sem aldna? Billund er kjörinn áfangastaður fyrir alla fjölskylduna og ferð þangað er prýðistækifæri til að upplifa aðra hlið á Danmörku.

Á Jótlandi er margt sem gleður börnin, en óneitanlega er einn staður sveipaður sérstökum töfraljóma. Lególand er leikborg frekar en leikvöllur. Hér er margt sem gleður augu og eyru og svalar spennufíkn lítilla (og kannski stærri) grallara.

Fjölskyldan hefur einnig úr fjölbreyttri afþreyingu að velja utan Lególands. Konungshallir, víkingabæi, dýragarða, vatnsgarðinn Lalandia og margt fleira má finna í næsta nágrenni við konungdæmi Legó.

Bókaðu flug og sumarhús í Lalandia með Icelandair VITA.

Út að borða í Billund

Veitingastaðirnir í Billund eru önnum kafnir við að þjóna fjölskyldum í fríi og því er boðið upp á mörg barnvæn hlaðborð og skyndibita (pizzur, franskar, ís og þarf fram eftir götunum).

Dönsku réttirnir standa þó alltaf fyrir sínu: gómsæta danska sætabrauðið, smørrebrød, danske pølser og rauðspretta á rúgbrauði.

Ef þig langar í tilbreytingu við hlaðborð, frikadeller og franskar þá bjóða nærliggjandi borgir upp á meira úrval af veitingastöðum, þar með taldar Fredericia, Vejle og Esbjerg.

Fyrir utan Kaupmannahöfn eru Árósar besti staðurinn til að smakka á ljúffengum dönskum réttum (bæði klassískum og nýnorrænum) en borgin er í um 96 km fjarlægð frá Billund.

Hvað er við að vera í Billund?

Billund er iðnaðarbær sem byggðist upp vegna vinsælda eins vörumerkis. Þér gæti þótt það hljóma óspennandi og of viðskiptalegt en það er það ekki – sérstaklega ef stjörnuvörumerkið er Legó.

Börn eru í fyrirrúmi í þessum bæ. Fyrsti áfangastaður er þemagarðurinn Legoland, þar sem helsta aðdráttaraflið eru plastkubbarnir litlu, í formi sædýrasafns, sjóræningjaskips eða draugahúss.

Svo er það Lalandia, stór afþreyingarmiðstöð fyrir fjölskyldur þar sem finna má vatnagarð, leiksvæði, minigolf og margt fleira.

Nýjasta viðbótin er hið fallega Lego House. Þetta gagnvirka menningarhús er snilldarlega hannað til að líkja eftir legóhúsi og er með falleg leiksvæði og sýningar þar sem fikta má í sýningargripum.

Út fyrir bæinn

Sumarferð til Billund er ekki aðeins fyrir yngsta aldurshópinn. Billund er líka kjörinn útgangspunktur fyrir ferðalög um Jótland sem hægt er að fara á degi eða dagsparti. Það er ekki vitlaust að leigja ökutæki og heimsækja nágrannabyggðir strandanna milli.

Árósir eru t.d. í rúmlega klukkustundar akstursfjarlægð frá Billund og engu síður heillandi staður að heimsækja.

Í nágrenni Billund er ýmislegt við að vera. Hér eru nokkrar hugmyndir:

• Upplifðu umhverfi víkingaaldar í smábænum Ribe á vesturströnd Jótlands, elsta bæ Danmerkur.
• Kíktu í verslunarleiðangur til Vejle.
• Kynnstu konungslífi fyrri alda í Koldinghus. Hver veit nema kóngafólkið hafi brugðið sér í tímavél og fjölskyldan geti hitt það í höllinni?
• Sjáðu seli í sínu náttúrulega umhverfi í þjóðgarðinum sem kenndur er við Vaðhafið (Vadehavet á dönsku, Wadden sea á ensku).
• Farðu með börnin í fyrsta flokks vatnsbusl í Aquadome.
• Taktu dag frá til að heimsækja dýragarðinn í Givskud.