Flug til Frankfurt með Icelandair, verð frá 45.635 kr.*

Besti tíminn til að heimsækja Frankfurt

Háannatími ferðamennskunnar í Frankfurt nær frá apríl fram í september, enda eru veðrið og dagsbirtan ferðalanginum hliðholl á þessu tímabili.

Sumarmánuðirnir þrír, júní, júlí og ágúst eiga hitametin, þá er hitinn að öllu jöfnu um 24°C.

Kaldastir eru mánuðirnir frá nóvember fram í mars. Janúar er allra kaldastur, en þá er meðalhitinn um -1°C to 4°C. En ef þú setur ekki kuldann fyrir þig, býður Frankfurt um á kynstrin öll af hátíðum, mörkuðum og menningu yfir vetrartímann.

Samgöngur í Frankfurt

Almenningssamgöngukerfið samanstendur af neðanjarðarlestum, sporvögnum og strætisvögnum sem tilheyra Rhein-Main-Verkehrsverbund (RVM). Kerfið er hraðvirkt og skilvirkt og kemur þér nánast hvert sem er innan borgarmarkanna.

Ef þig langar að sjá meira af Þýskalandi er tilvalið að setjast um borð í lest á Frankfurt Hauptbahnhof, aðallestarstöð borgarinnar. Innan klukkustundar er Frankfurt langt að baki og græn víðerni sveitanna taka við. Notaðu tækifærið og heimsæktu nágrannaborgir á borð við Wiesbaden og Mainz.

Og ef þú er til í örlítið lengra ferðalag, er hægt að mæla með heimsókn til Heidelberg, heimaborgar eins af elstu og virtustu háskólum Þýskalands.

Frankfurt í hnotskurn

Það snýst ekki allt um fjármál og stórviðskipti í Frankfurt. Í miðbænum er sagan við hvert fótmál og menningarlífið öflugt eins og stórri borg sæmir.

Fáðu yfirsýn yfir borgarlandslagið frá toppi hins 200 metra háa Main Tower. Fáðu þér spássitúr um gamla bæinn, nú eða skelltu þér í skemmtisiglingu á ánni Main.

Þú færð sögulegan anda Þýskalands beint í æð á aðaltorgi Frankfurt, Römerburg. Við torgið standa myndræn og glæsileg Fachwerkhäuser (hefðbundnar hálfviðarklæddar byggingar), sem kallast á við rauðan sandstein dómkirkjunnar, Frankfurter Dom.

Af þeirri ofgnótt safna sem eru staðsett við árbakka Frankfurt, eða Museumsufer, fær Städel-safnið sérstök meðmæli en listaverkin þar ná upp í þaksperrur safnsins!

Matur og drykkur í Frankfurt

Í Kleinmarkthalle slær hjarta matarmenningar borgarinnar – kíktu við í smakk og smá mannlífsskoðun.

Til að bragða á því allra besta skaltu leggja leið þína á hinar einstöku eplavínskrár Frankfurt – eplavín (ebbelwei samkvæmt talaðri mállýsku) er ævarandi stolt borgarinnar og úrvalsdrykkur.

Drykkurinn er tegund af síder sem er framreiddur á notalegu gömlu kránum. Þú finnur þær í Sachsenhausen-hverfinu.

Meðal annarra hefðbundinna sérrétta svæðisins má nefna réttinn Handkäse mit Musik (hand-ostur með tónlist). Þetta er mjúkur ostur sem hefur verið maríneraður í olíu og ediki og er framreiddur með hráum lauk.