Flug til Gran Canaria með Icelandair, verð frá 51.055 kr.*

Hvenær er best að ferðast til Gran Canaria?

Gran Canaria er sannkölluð paradís fyrir fríið þitt. Hún er þriðja stærsta eyja Kanaríeyjaklasans og býður upp á flest allt sem hugurinn girnist þegar kemur að afþreyingu. Langar þig að eiga rólega daga á fallegri strönd, upplifa stórbrotna náttúru á hjóli eða tveimur jafnfljótum eða njóta lífsins lystisemda í mat og drykk? Þá er Gran Canaria eitthvað fyrir þig.

Sumarið er hlýtt og líflegt á Gran Canaria. Sérstaklega má ganga að sólskininu sem vísu frá júlí fram í september.

Ef hæstu hitastigin og mesta mannþröngin er eitthvað sem þú vilt forðast, er vorið betri tími. Þetta er líka kjörinn tími fyrir göngufólk til að kanna eyna. Meiri ró færist yfir eyna að vetri til og veðrið er áfram milt, hlýtt og bjart.

Icelandair VITA er einnig með góð hótel og fyrirtaks þjónustu í pakkaferðum sínum. Bókaðu allt á einum stað og upplifðu betri ferð fyrir betra verð.

Samgöngur á Gran Canaria

Afar auðvelt er að komast leiðar sinnar á eynni.

Strætisvagnar ganga milli allra helstu bæja og ferðamannastaða.

Sömuleiðis er auðvelt að ferðast út fyrir vinsælustu staðina á scooter eða með leigubíl.

Á eynni er líka fjöldi spennandi göngu- og hjólaleiða, en Gran Canaria er sérstaklega vinsæl meðal hjólreiðafólks.

Hvað er við að vera á Gran Canaria?

Gran Canaria býr yfir fjölbreytilegu landslagi og afþreyingu fyrir ferðamenn á öllum aldri.

Við strandlengjuna standa lítil falleg þorp sem gaman er að kanna.

Í austri er flatlendi og fjölbreyttur landbúnaður. Flugvöllurinn er staðsettur mitt á milli höfuðborgarinnar Las Palmas í norðri og vinsælasta ferðamannastaðarins á suðurströndinni, Maspalomas. Margir golfvellir eru staðsettir nálægt Las Palmas og Maspalomas.

Í Maspalomas er vinsæli vatnagarðurinn Aqualand, sem og aðrir þemagarðar. Ef börn eru ekki með í för, er líflegt næturlíf og notaleg kvöldstemning í boði um alla eyju.

Í suðri eru hinar stórkostlegu sandöldur og vinsælar strendur. Á vesturhluta eyjunnar er landslagið stórbrotið, þar sem Mirador de Balcón áningarstaðurinn stendur upp úr. Fyrir miðju er eyjan hálend og frá hæsta tindinum, Pico de las Nieves, er stórkostlegt útsýni í allar áttir.

Ljúffeng og alþjóðleg matseld

Matarhefðir á Gran Canaria eru einnig vel þess virði að kynna sér.

Smakkaðu á glænýjum fiski eða kjöti sem borið er fram ‘a la plancha’, eða „af grillinu“. Það fer vel með papas arrrugadas con mojo, sem er einn þekktasti réttur Kanaríeyja.

Þessi einfaldi og bragðgóði réttur samanstendur af kartöflum soðnum í mjög söltu vatni, þar til allt vatn hefur gufað upp. Kartöflurnar verða þannig saltlegnar og krumpaðar, og eru bornar fram með rauðri eða grænni mojo sósu. ¡Buen provecho!

Mikill ferðamannastraumur til Gran Canaria í gegnum árin hefur einnig gert það að verkum að hér fást réttir frá öllum heimshornum.