Flug til Parísar með Icelandair, verð frá 31.355 kr.*

Hvenær er best að fljúga til Parísar?

Hin fjölmörgu söfn, veitingahús og fögru mannvirki sem París státar af bjóða gesti velkomna allt árið um kring og standa fyrir sínu hvort sem þau eru vafin í vetrarbúning eða böðuð sólskini.

Vinsælast er að ferðast til Parísar frá júní fram í september og sömuleiðis í desember. Þessar ferðir er gott að bóka með góðum fyrirvara.

Ef þú vilt sleppa við mesta skarkalann, er kjörið að bóka ferð í apríl eða október, þegar enn er hlýtt í veðri en ferðamenn eru mun færri en á háannatímanum.

Ertu í leit að ódýru flugi? Verð á flugi til Parísar er að öllu jöfnu lægst í nóvember.

Með Icelandair VITA er hægt að bóka pakkaferð til Parísar.

Samgöngur í París (og nágrenni)

París er þekkt fyrir neðanjarðarlestakerfið sem gengur fumlaust og auðveldar ferðalög milli borgarhluta.

Almenningsvagnar standa líka til boða og svo eru leigubílaöppin Uber og Lyft starfrækt í borginni.

Frá París er líka hægt um vik að ferðast til annarra hluta Frakklands og sumir ferðalangar fljúga áfram innanlands frá París. Til dæmis er Toulouse í Suður-Frakklandi vinsæll áfangastaður.

Í París eru 7 meginstöðvar fyrir lestasamgöngur, sem tengja hana við aðrar borgir innan Frakklands og utan. París er því kjörinn upphafspunktur fyrir ferðalag um Vestur-Evrópu.

Hvað er við að vera í París?

Það er engin leið að koma öllu að á ferðalagi til Parísar, slíkur er fjöldi sögulegra, áhugaverðra og heillandi staða í borginni.

Þó liggur beint við að njóta útsýnisins frá toppi Eiffelturnsins og gera sér ferð í hina glæsilegum og sögufrægu dómkirkju Notre Dame, sem staðsett er í Latínuhverfinu.

Einnig má mæla með heimsókn á Louvre (jú, Móna Lísa er þar til sýnis) og í Monmartre-hverfið og svo dregur bátsferð á Signu fram þann rómans sem borgin er heimsþekkt fyrir.

Það er líka óhætt að mæla með dagsferð til hinnar gullslegnu Versalahallar. Og svo má ekki gleyma Sigurboganum, Arc de Triomphe, táknmynd fyrir merka og róstusama tíma í franskri sögu.

Verslun og afslappelsi

Þegar ferðalagurinn þreytist á mannmergðinni kringum vinsælustu ferðamannastaði borgarinnar er kjörið að leita í ró og næði almenningsgarðsins Jardin de Luxembourg, eða inn á smærri söfn og listasýningar.

París er líka kjörin fyrir verslunarleiðangur.

Borgin er auðvitað nafnkunn fyrir að leggja línur í tískuheiminum og margir þekktustu hönnuða heims hafa gert hana að heimili sínu.

En verslanir borgarinnar bjóða ekki upp á eintóma hátísku. Nóg er af götumörkuðum, huggulegum boutique og stórverslunum með allt sem hugurinn girnist.

Snætt að hætti Parísarbúa

Oft er talað um að veitingastaðurinn í sinni nútímamynd, le restaurant, sé frönsk hugarsmíð og Frakkar hafa lagt sig fram við að fullkomna þá list að elda og framreiða mat með stæl.

Og það má með sanni segja að allir geti fundið eitthvað við sitt hæfi.

Á mörkuðunum má finna efnivið í heimsklassa lautarferð og litríkt úrval bakaríanna, pâtisserie eins og það heitir á máli heimamanna, ákallar unga sem aldna.

Nóg er af fyrsta flokks veitingahúsum, hvort sem þú ert á höttunum eftir hefðbundnum Parísar-bistro eða því sem telst vera fínasta fínt, crème de la crème, í heimaborg veitingahússins.

Hvar eru bestu bitarnir?

Best er að forðast staði í hringamiðju túrismans og setja frekar stefnuna á einn af hinum fjölmörgu bistro þar sem framreiddir eru fínir franskir réttir að hætti heimamanna.

Ef ætlunin er að snæða á flottustu Michelin-stöðunum er mikilvægt að bóka með góðum fyrirvara.

En að sumu leyti er engu síðra að verða sér úti um bagettu, franska osta og vín og setjast á teppi í almenningsgarði, til dæmis Parc Monceau.