Flug til Stokkhólms með Icelandair, verð frá 35.435 kr.*

Stokkhólmur í hnotskurn

Stokkhólmur er sannkallað augnayndi, með sín hellulögðu stræti, blómlegu grænu svæði og íðilfögru eyjar.

Fegurð Stokkhólms má að einhverju leyti rekja til þess að byggðin dreifist yfir 14 eyjar. Milli þeirra liggja fagurlega gerðar brýr sem gefa borginni opið og aðlandi viðmót.

Helsta aðdráttaraflið fyrir ferðamenn er Gamla Stan (gamli bærinn) sem hefur verið hjarta Stokkhólms frá miðöldum.

Fáar stórborgir hafa jafn hlýlegt viðmót og höfuðborg Svíþjóðar.

Með Icelandair VITA er hægt að bóka pakkaferð til Stokkhólms.

Hvað er við að vera í Stokkhólmi?

Þegar þú heimsækir Stokkhólm er ómissandi að leigja hjól til að kanna Djurgården. Þessi risastóri garður er eins og vin í borgareyðimörkinni. Hér er margt að sjá og hugguleg kaffihús til að hvíla lúin bein.

Á Djurgården má finna Skansen, elsta safn í heimi sem er staðsett utandyra, og skemmtigarðinn Junibacken sem heiðrar bókmenntahetjuna Línu langsokk.

Þar má líka finna fjöldbreytt úrval annarra safna, t.d. um nútímalist, arfleifð víkingaaldar og súpergrúppuna Abba.

Hvar er best að versla?

Svíþjóð hefur getið sér gott orð fyrir nýsköpun og hönnun á ýmsum sviðum (hér er ekki bara átt við Ikea-vörur). Því er enginn hörgull á aðlaðandi verslunum í Stokkhólmi.

Gaman er að leggja leið sína í SoFo-hverfið í Södermalm (suður af Folkungagatan) en þar er hægt að fá vintage-vörur, götutísku og aðra skemmtilega muni. Þar eru líka fyrirtaks kaffihús og barir ef þú vilt stoppa við og hlaða batteríin.

Verslanirnar við Designtorget eru stútfullar af verkum eftir nýja hönnuði, hér fást flottar skandinavískar vörur á sanngjörnu verði.

Gamla Stan er með heimagert handverk og hönnunarverslanir meðal hinna venjulegu minjagripaverslana. Östermalm er vert að kanna ef þú ert í leit að hátískuvörum og nýtískulegum hönnunarverslunum.

Veitingastaðir í Stokkhólmi

Þó sænsku kjötbollurnar hafi borið hróður Svíanna vítt og breitt um heiminn, verður að segjast eins og er að sænsk matargerð hefur um á margt fleira og bitastæðara að bjóða.

Veitingahúsin í Stokkhólmi bjóða upp á það besta í sænskri matagerð og hér er líka yfrið nóg af huggulegum kaffihúsum og hefðbundnum sænskum bakaríum, þar sem angan af kardimommukryddi liggur í lofti. Í Stokkhólmi má einnig finna nóg af mathöllum og mörkuðum. Til dæmis er hægt að mæla með Saluhall í Östermalm-hverfinu.

Sjávarfang er auðvitað aðall í sænskri matargerð – leturhumar, síld og lax er eitthvað sem þú þarft að smakka. Svo er stemning í því að deila hefðbundna réttinum smörgåsbord með vinum – Svíarnir eiga heiðurinn að þessari snilld og hún fæst í sínu besta formi á Grand Hôtel.

Og svo er tilvalið að taka þátt í fika, þeirri margrómuðu sænsku samverustund, en sænskir kanilsnúðar eru eðlilegur hluti af svoleiðis samkomu.

Ferðast innan bæjarins

Þægilegast er að ferðast um Stokkhólm með almenningssamgöngum: neðanjarðarlest, sporvagni eða ferju.

Þegar vel viðrar er ekki vitlaust að taka hjól á leigu. Sá samgöngumóti er vinsæll meðal heimamanna og þú sérð meira af borginni í hjólatúr.

Stokkhólmur er stærsta borg Skandinavíu. Því er hæpið að hægt sé að fara allt fótgangandi. Ef þú vilt sjá sem mest af því sem borgin hefur upp á að bjóða, er best að setja sig inn í samgöngukerfið.

Ferðast frá flugvellinum inn í miðbæ Stokkhólms

Allt flug Icelandair til Stokkhólms lendir á Stockholm Arlanda International Airport (ARN). Þaðan tekur um 20 mínútur að ferðast með lest niður í bæ.

Þægilegast er að fara með Arlanda Express lestinni frá flugvellinum, en hún kemur á 10-15 mínútna fresti.

Miðar í lestina eru aðeins dýrari ef þú kaupir þá um borð. Því er betra að kaupa miða á netinu eða í sjálfsafgreiðslustöð.

Auðvelt er að nálgast leigubíla á vellinum, fyrir þau sem kjósa þann ferðamáta.