Ógleymanleg sigling á aðventu
2-9. desember

Frankfurt, Köln, Germersheim/Speyer, Strassbourg, Mainz, Koblens Þýskalandi  

Stutt ferðalýsing 
Við fljúgum með Icelandair til Frankfurt 2. desember í morgunflugi og ökum með rútu á hótel í Köln. Þar gistum við eina nótt fyrir siglingu.
Þann 3. desember förum við um borð í A- Rosa Silva og siglum af stað kl 17:00. Í siglingunni eru alls 5 staðir heimsóttir sem eru allir rómaðir fyrir skemmtilega jólamarkaði og huggulega stemningu. Þann 8. desember komum við aftur í land í Köln og ökum til Koblenz. Þar gistum við eina nótt. Hópurinn flýgur svo heim um miðjan dag 9. desember frá Frankfurt.

Flug

 Siglingaleið

Eftir að skógarnir sem náðu út í Rínarfljótið voru að mestu fjarlægðir hefur Rín liðast rólega áfram næstum alla leið frá upptökum til sjávar og fljótasiglingar verið vinsælar. Það er undursamlegt að sigla með fljótabát í nokkra daga og leyfa jólastressinu að líða úr sér. Við siglum rólega meðfram kastölum, höllum og klaustrum og að gamla bænum sem nú er búið að klæða í jólabúningin. Þar er hægt að skoða og versla auk þess sem gaman er að smakka margs konar nasl eins og bökuð epli og púns undir fallegri tónlist.  

Mánudagur 2. desember. Frankfurt - Köln, Þýskalandi
Við fljúgum til Frankfurt með Icelandair í morgunflugi kl. 07:25 og lendum kl. 12:05. Þar bíður rúta sem ekur okkur til Kölnar en aksturinn tekur um tvær klukkustundir. Hópurinn gistir á hótel Mercure Severinhof í eina nótt fyrir siglingu.
Örstutt er á jólamarkaði frá hótelinu.

Þriðjudagur 3. desember. A-Rosa Silva fljótabáturinn
Við byrjum daginn á morgunverði á hótelinu og um miðjan dag er ekið að skipi og tékkað inn. A-Rosa Silva fljótabáturinn leggur af stað kl. 17:00. Kvöldverður og skemmtun er á skipinu öll kvöld.  

Miðvikudagur 4. desember. Rüdesheim, Þýskalandi  
Íbúar Rüdesheim skilgreina stærsta aðdráttarafl bæjarins, hið heimsfræga Drosselgasse stræti, sem „144 metra af joie de vivre“ eða lífsgleði. Þetta er miðja rómantísku stefnunnar í Rínarborg sem varð fjölda skálda og tónlistarmanna að innblæstri. Brahms samdi til dæmis þriðju sinfóníuna sína á þessum slóðum. Rüdesheim er best þekkti staðurinn á Rheingau svæðinu og þar eru fjölmörg menningarleg kennileiti, glæsilegar byggingar og virki. Það sem fullkomnar svo heimsóknina til borgarinnar og nærsvæðis hennar er bolli af Rüdesheim kaffi sem kemur frá bænum. Jólamarkaðurinn í Rüdesheim gengur undir nafninu Jólamarkaður Þjóðanna eða “Christmas Market of Nations. Þar sem boðið er upp á vörur frá yfir 20 þjóðum frá þremur heimsálfum. 

Fimmtudagur 5. desember. Germersheim/Speyer, Þýskalandi
Við efri hluta Rínar er Germersheim sem er aðeins í um 20 km fjarlægð frá Speyer þar sem A-Rosa Silva kemur að landi. Speyer er einn elsti miðaldabær í Þýskalandi, yfir 2000 ára gamall. Jólamarkaðurinn á þessu svæði er blanda af hefð, menningu og gleði. Hann er töfrum líkastur og kemur fólki í jólaandann.

Föstudagur 6. desember. Kehl (Strassbourg) Þýskalandi ( Frakklandi)
Í dag er það Srassbourg í Frakklandi. Strassbourg er ein af þessum gömlu borgum með miðalda timburhúsum og glæsilegum borgarhöllum. Hápunkturinn er dómkirkjan og hægt er að horfa yfir gömlu timburhúsin af útsýnispallinum. Njótið dagsins í franska hluta Rínarhéraðsins.  

Laugardagur 7. desember. Fyrir hádegi Mainz, Þýskalandi 
Mainz bleibt Mainz (eða ‘Mainz er alltaf Mainz’) er meira en bara máltæki því þessi fullyrðing lýsir hinum afslappaða lífsstíl sem íbúar borgarinnar eru stoltir af. Þetta viðhorf gerir borgina að ánægjulegum viðkomustað fyrir ferðamenn því hér er tekið einstaklega vel á móti nýju fólki. Tvö þúsund ára saga Mainz gerir borgina að einni af elstu borgum Þýskalands og í henni getur þú séð söguna lifna við á hverju götuhorni. Ekki missa af því að heimsækja sögulega jólamarkaðinn á Domplatz. Upplýsta og skreytta dómkirkjan mun án efa heilla. 

Laugardagur 7. desember. Siglt um Loreley eftir hádegið  
Nú siglum við meðfram Loreley klettinum sem er 132m hár og skagar út í Rín. Kletturinn gefur frá sér bergmál og segir sagan að falleg mey hafi kastað sér út í Rín í örvæntingu yfir trúlausum elskuhuga og breyttist í sírenu sem kokkaði sjómenn til glötunar.  

Laugardagur 7. desember. Koblenz, Þýskalandi
Í siglingunni um Rín gefst tækifæri til að skoða Koblenz. Saga borgarinnar nær aftur um yfir 2000 ár sem gerir hana eina af elstu borgum í Þýskalandi. Borgarmyndin er falleg og þar eru fjölmörg sögu- og menningarleg kennileiti. Við mælum með að skoða hallirnar í Koblenz, virðulegar byggingar, glæsileg íbúðarhús, þröng stræti og rómantísk götuhorn. Njóttu útsýnisins á meðan A-ROSA siglir meðfram hinu fræga Deutsches Eck, nesinu þar sem árnar Mósel og Rín mætast. Við njótum svo einnig kvöldsins í Koblenz.  

Sunnudagur 8. desember. Köln, Þýskalandi. 
Við komum aftur í land í Köln snemma morguns, eða um kl. 05:00 og fáum okkur morgunverð áður en farið er frá borði. Rúta bíður svo hópsins og við ökum til Koblenz á hótel Mercure Koblenz þar sem við gistum síðustu nóttina. Við mælum með að nýta daginn og skoða og njóta Koblenz að degi til.

Mánudagur 9. desember. Koblenz – Frankfurt, heimferð 
Eftir morgunverð á hótelinu ökum við til Frankfurt og tekur aksturinn rétt rúma klukkustund.
Að lokum flúgum við heim til Keflavíkur, flugið er kl. 13:05 og lending kl. 15:55.