Nashville, höfuðborg Tennesse, er spennandi nýr áfangastaður en borgin er fræg fyrir tónlist, menningu og matargerð. Hún er oft nefnd tónlistarborgin, enda suðupunktur kántrítónlistar og ekki síður fræg fyrir popp, rokk, gospel og jasstónlist.
Áhugaverðir staðir til að heimsækja eru Country Music Hall of Fame, upptökuverið Music Row, sögufrægi salurinn Grand Ole Opry House og Ryman Auditorium. Þar að auki er gaman að kíkja inn á líflega honky-tonk bari á Broadway.
En Nashville býður upp á meira en tónlist. Þar er úrval af veitingastöðum, verslunum og íþróttaviðburðum sem setja svip sinn á borgina. Það er tilvalið að fá sér „hot chicken“ og skella sér svo á leik með Tennessee Titans eða Nashville Predators.
Alþjóðaflugvöllurinn í Nashville er aðeins 13 km frá miðbænum og það er auðvelt að ferðast til og frá flugvelli. Það er hægt að taka strætó, flugrútur, leigubíl, Uber/Lyft eða leigja sér bíl.
Í borginni er einnig að finna hjólaleigur fyrir þá sem vilja kanna miðbæinn á eigin vegum.
Borgarferðir til Nashville verða frá 10. apríl til 26. október.
Hér er hægt að bóka ýmsa afþreyingu sem er í boði í Nashville og nágrenni.
- Saga Club félagar geta nú notað hvaða upphæð sem er af Vildarpunktum þegar kemur að því að greiða fyrir pakkaferðir. Það eru engin takmörk á upphæð þeirra punkta sem notaðir eru þegar kemur að því að bóka allan pakkann út í heim.
- Athugið að verð frá og sætaframboð er takmarkað og uppgefið pakkaverð er miðað við lægsta flugverð í boði hverju sinni.
