Skíðaganga nýtur vaxandi vinsælda og í dag má segja að íþróttin sé ein vinsælasta vetraríþrótt Íslendinga.

Ísafjörður er skíðagöngubærinn og ekkert er betra en að koma vestur til að læra á gönguskíði eða taka næstu skref.

Skíðagöngunámskeiðin eru í boði á völdum dagsetningum frá fimmtudegi til sunnudags og er fyrir alla.

Á þeim tíma tökum við 5-6 tækni og úthaldsæfingar, förum yfir umhirðu skíða og hvernig er að standa á ráslínunni í Fossavatnsgöngunni svo fátt eitt sé nefnt. Námskeiðin eru getuskipt og taka mið af markmiðum þátttakenda. Einhverjir eru að undirbúa sig fyrir að setja á sig númer og standa á ráslínunni á meðan aðrir ætla að taka því rólega. Ísfirðingar hafa haldið skíðagöngunámskeið í tæp 20 ár og státa af frábærum þjálfurum með reynslu og metnað. Kennt er á skíðagöngusvæðum Ísfirðinga; Seljalandsdal og Tunguskógi. Við teljum Seljalandsdal besta gönguskíðasvæði á landinu þó við séum örlítið hlutræg.

Námskeiðin hefjast á fimmtudagskvöldi og eru búin á hádegi á sunnudegi.

Dagsetningar í boði: 29.febrúar - 3.mars og 11.-14.apríl

Innifalið í pakkaferðinni:

Flug báðar leiðir, skattar og gjöld, innrituð taska (20kg), innrituð skíði, handfarangur (6kg) og námsskeiðspakkinn.

Innifalið í námskeiðspakkanum:

Gisting í þrjár nætur á Hótel Ísafirði ásamt morgunverðarhlaðborði.Tveir hádegisverðir, þrír kvöldverðir, fimm til sex æfingar, brautargjald og rúta á æfingar, og til og frá flugvelli.