Að starfa sem flugfreyja eða flugþjónn hjá Icelandair

Nei, umsækjendur þurfa ekki að hafa lokið stúdentsprófi til að sækja um starfið.

Mikilvægt er að umsækjendur hafi mjög gott vald á íslensku og ensku, bæði munnlegri og skriflegri. Önnur tungumál eru ekki skilyrði en eru kostur.

Já, við gerum kröfu um reynslu af þjónustu- eða umönnunarstörfum.

Hver og ein vinnuskrá er samsett af margskonar vöktum. Vakt getur hafist ýmist snemma að morgni, á miðjum degi eða að kvöldi til. Einnig eru bakvaktir settar upp á vinnuskrá. Allt okkar starfsfólk þarf að geta brugðist við bakvakt með mjög stuttum fyrirvara á þeim degi sem hún er sett upp. Ef starfsfólk býr utan höfuðborgarsvæðisins þarf það að gera ráðstafanir á bakvaktardögum eins og um vinnudag sé að ræða.

Námskeið flugfreyja og -þjóna eru ekki launuð. Einstaklingar eru boðaðir á námskeið með fyrirvara um ráðningu og eru því námskeið hluti af ráðningarferlinu. Nemendur þurfa að standast öll tilskilin próf og því ekki hægt að staðfesta ráðningu fyrr en öllum efnisþáttum námskeiðs er lokið.

Nei, Icelandair kostar námskeiðið.

Já, einstaklingar sem hafa flogið innan 36 mánaða hjá Icelandair sækja um endurkomu í viðeigandi umsóknargrunni fyrir þá sem hafa gild réttindi, en sá umsóknargrunnur verður auglýstur síðar. Ef lengra er liðið frá starfi er sótt um í umsóknargrunni nýliða.

Ef Initial skírteini er enn í gildi (gildistími er 5 ár frá því viðkomandi lauk þjálfun eða flaug sitt síðasta flug) þarf að sitja fullt Conversion námskeið sem tekur allt að 5 vikur. Gert er ráð fyrir að sú kennsla fari fram að mestu um kvöld og helgar. Námskeiðið er ekki launað. Sótt er um í umsóknargrunni þeirra sem hafa gilt Initial. Mikilvægt er að hafa undir höndum gilt Attestation of Initial training skírteini útgefið innan EASA. Öll réttindi eru yfirfarin eftir að sótt er um.

Endurþjálfun fer fram fyrstu dagana í starfi og tekur nokkra daga allt eftir því hve langt er liðið frá því viðkomandi starfaði síðast. Ekki er hægt að óska eftir frídögum á því tímabili þar sem þjálfunin er forsenda þess að geta unnið vaktaplanið sitt. Umsókn er lögð inn í umsóknargrunn þeirra sem hafa reynslu og gild réttindi.

Ef liðin eru meira en 5 ár frá því að umsækjandi starfaði sem flugfreyja eða flugþjónn er þjálfun ekki í gildi. Sitja þarf bæði Initial og Conversion þjálfun að nýju og umsókn skal skilað í umsóknagrunni fyrir nýliða.

Allar umsóknir óskast endurnýjaðar. Umsókn frá fyrra ári færist ekki á milli ára. Einnig þarf að gæta þess að skila inn öllum fylgigögnum sem tilgreind eru í umsókn.

Öll sem fá ráðningu þurfa að skuldbinda sig í 100% starf í að lágmarki 3 mánuði (1. júní - 31. ágúst). Það stendur ekki til boða að fá styttri ráðningarsamning en lágmarks skuldbinding gerir ráð fyrir.

Öll sem veljast á nýliðanámskeið þurfa að skila inn sakavottorði sem er í gildi. Ef umsækjandi hefur starfað hjá okkur áður er líklegt að skila þurfi inn sakavottorði að beiðni Lögreglustjóraembættisins. Óskað er eftir sakavottorði síðar í ferlinu. Ef umsækjandi hefur búið erlendis síðustu 5 ár þá þarf sömuleiðis að skila inn vottorði frá því landi sem umsækjandinn dvaldi.

Það er í lagi að skila inn gögnum sem tekin eru á síma svo lengi sem þau eru á PDF formi.

Ráðningarferlið getur tekið frá nokkrum vikum upp í mánuði. Við mælum með að vanda umsókn en vel unnin umsókn eykur líkur á viðtali.

Ekki er gert ráð fyrir að áhafnarmeðlimir stundi annað starf samhliða þessu starfi. Hvíldardagar á vaktskrá eru settir upp til hvíldar fyrir næstu vinnulotu þar sem starfið er vaktavinnustarf.

Barnshafandi flugfreyjur mega starfa um borð þar til á 16. viku meðgöngu, nánar tiltekið þegar þær eru gengnar 15 vikur + 6 daga skv. EASA reglugerð um heilsuvernd flugfreyja. Af þessum sökum takmarkar þetta þann tíma sem viðkomandi getur unnið. Barnshafandi umsækjendur geta því ekki setið námskeið óháð meðgöngulengd.

DECISION No 2011/015/R (europa.eu)

Umsækjendur þurfa að vera almennt heilsuhraustir og ekki með undirliggjandi alvarlega sjúkdóma. Áður en nemandi hefur námskeið þarf hann að undirgangast almenna læknisskoðun, mæld er hæð og þyngd, þvag skoðað og mældur blóðþrýstingur, jafnvel tekið hjartalínurit. Sjón og heyrn er metin. Farið er yfir líkamlega og andlega heilsufarssögu, skoðuð lyfjanotkun og fleira.

Umsækjendur fara í gegnum læknisskoðun og ef grunur er um litblindu er það mælt sérstaklega og metið hjá sérfræðingi. Litaskynjun er skoðuð með litaspjöldum „Ishihara“ (sem eru tölustafir gerðir úr mislitum punktum á litapunktagrunni) og ef umsækjandi stenst ekki það próf þá þarf sérstaka skoðun hjá augnlækni þar sem metið er hvort umsækjandi er „Color Safe“. Þá rannsókn þarf að gera í sérstöku prófunartæki (CAD eða Nagel Anomaloscope) sem trúnaðaraugnlæknir Fluglæknasetursins hefur til umráða.

Í flestum tilfellum óskum við eftir því að farið sé í læknisskoðun hjá þjónustuaðilum sem sinna skoðunum fyrir hönd Icelandair.

Nei, umsókn og fylgiskjöl þarf að vistast saman í umsókn.

Gert er ráð fyrir að þeir sem skráðir eru umsagnaraðilar séu einstaklingar sem þekkja viðkomandi úr starfi. Ekki er hægt að skrá vini eða vandamenn sem umsagnaraðila.

Ef einstaklingar voru við störf hjá Icelandair á síðustu 36 mánuðum er ekki gerð krafa um að skrá umsagnaraðila.

Já, vinsamlega tilgreindu umsagnaraðila. Gert er ráð fyrir að þeir sem skráðir eru umsagnaraðilar séu einstaklingar sem þekkja viðkomandi úr starfi. Ekki er hægt að skrá vini eða vandamenn sem umsagnaraðila.

Laun á ráðningartímabili eru samkvæmt Kjarasamningi FFÍ og SA vegna Icelandair ehf.

Já, ef umsækjandi er nýr eða ekki með fullgildi réttindi hjá okkur er hringt í umsagnaraðila. Það er þó eingöngu gert þegar viðkomandi hefur farið í gegnum allt ráðningarferlið og kemur til greina á námskeið.

Já, óskað er eftir ferilskrá og kynningarbréfi.

Já, þegar umsókn hefur verið skilað inn kemur staðfestingarpóstur. Ef ekki, hefur umsókn ekki skilað sér á réttan stað.

Öllum umsóknum er svarað. Frá því umsækjandi leggur inn umsókn þar til svar berst getur tekið frá nokkrum vikum upp í mánuði, allt eftir fjölda umsókna og umfangs ráðningarferlis.