Farangur

Hér færðu svörin við öllum helstu spurningum um innritaðan farangur og handfarangur.

Farangursheimild Aukafarangur Takmarkanir á farangri Týndur, seinn eða skemmdur farangur

Farangursheimild til Evrópu og Norður-Ameríku

Farangursheimildin á miðanum þínum fer eftir því fargjaldi sem þú flýgur á:

Fargjöld	Innritaður farangur	Handfarangur
Economy Light	Enginn	1 taska (10 kg) + einn hlutur til persónulegra nota
Economy Standard	1 taska sem vegur allt að 23 kg	1 taska (10 kg) + einn hlutur til persónulegra nota
Economy Flex	1 taska sem vegur allt að 23 kg	1 taska (10 kg) + einn hlutur til persónulegra nota
Saga Premium	2 töskur sem vega allt að 32 kg hvor	1 taska (10 kg) + einn hlutur til persónulegra nota
Saga Premium Flex	2 töskur sem vega allt að 32 kg hvor	2 töskur (10 kg hvor) + einn hlutur til persónulegra nota

Þarftu að bæta við farangursheimildina þína?
Skoðaðu síðuna okkar um aukafarangur, eða bættu farangri við núverandi bókun:

Bæta við farangri

Innritaður farangur

Samanlögð hæð + lengd + breidd (X, Y, Z á mynd) er að hámarki 158 cm, að meðtöldu handfangi og hjólum. Hámarksþyngd er 23 kg.

Allur farangur yfir 158 cm að umfangi er skilgreindur sem sérfarangur (odd-sized) og er innritaður eins og aðrar töskur. Starfsfólk á flugvelli getur leiðbeint þér að beltinu fyrir sérfarangur.

Handfarangur

Handfarangurstaska þarf að rúmast í farangurshólfi yfir sætum. Ef handfarangurinn fer yfir stærðar eða þyngdartakmörk verður hann innritaður. Greiða þarf gjald fyrir handfarangur sem er innritaður við brottfararhlið. Gjaldið samsvarar kostnaði auka tösku.

Hámarksstærð (að meðtöldu handfangi og hjólum): 55 x 40 x 20 cm.

Hámarksþyngd: 10 kg.

Hlutur til persónulegra nota

Farþegar mega hafa með sér um borð einn lítinn hlut á borð við veski, bakpoka eða fartölvutösku, sem þarf að komast fyrir undir sætinu fyrir framan þá.

Hámarksstærð: 40 x 30 x 15 cm.

Sérreglur um farangursheimild

Börn (2-11 ára)

Sama handfarangursheimild og fullorðnir á sama farrými.
Þar að auki, mega forráðamenn alltaf taka með samfellanlega smákerru sér að kostnaðarlausu.
- Athugið að ef einhverju öðru er pakkað með kerrunni telst hún sem auka farangur og g jaldskrá fyrir aukafarangur gildir.
Forráðamönnum er heimilt að hafa samþykktan barnabílstól með sér um borð að því gefnu að barnið sitji í stólnum á meðan á fluginu stendur.
- Nánar um börn og ungbörn í flugi.

Ungbörn (undir tveggja ára aldri)

1 innrituð taska (nema á Economy Light) og enginn handfarangur.
Samfellanleg smákerra og bílstóll eða lítið burðarrúm.

Saga Gold og Silver félagar

Ein innrituð taska til viðbótar við þá farangursheimild sem á við hverju sinni.

Dýr

Athugið að dýr eru alltaf undanskilin farangursheimild. Nánar um dýr í farangursrými.

Íþróttabúnaður

Lítill íþróttabúnaður (t.d. hjólabretti, skíði, golf-, köfunar-, íshokkí- eða keilubúnað) getur fallið undir fría farangursheimild. Sjá meira.

Millilandaflug sem tengist við innanlands- eða Grænlandsflug

Eftirfarandi reglur gilda um farangursheimildina ef millilandaflug tengist við innanlands- eða Grænlandsflug á sama miða:

Ef miðinn inniheldur millilandaflug, gildir farangursheimild millilandaflugsins fyrir bæði flugin í bókuninni. Athugaðu að farþegar þurfa sjálfir að sækja farangurinn og flytja milli Keflavíkur- og Reykjavíkurflugvallar.
Ef miðinn inniheldur Grænlandsflug, gildir farangursheimild Grænlandsflugsins fyrir bæði flugin í bókuninni.
Ef ferðin þín telur tengiflug með öðru flugfélagi finnur þú nánari upplýsingar hér.

Tengiflug með öðrum flugfélögum

Á leiðinni til Norður-Ameríku þurfa farþegar að ná í töskurnar við millilendingu, fara með þær gegnum tollskoðun og skila þeim á sérstakt töskubelti fyrir tengiflug.
Á flestum tengiflugvöllum í Evrópu, geta farþegar farið beint að brottfararhliði án þess að hafa áhyggjur af farangri. Undantekningar eru til staðar þegar flogið er í innanlandsflugi í Noregi, eða þegar tengiflug er á öðru flugnúmeri þegar flogið er í gegnum London Heathrow og Manchester flugvöll.
Þegar ferðast er heim frá Norður-Ameríku og Evrópu, geta farþegar innritað töskurnar sínar alla leið á lokaáfangastað. Farþegar geta því farið beint að brottfararhliði á tengiflugvellinum, án þess að hafa áhyggjur af farangri.
Þegar flogið er með easyJet, þarftu að innrita bæði farangur og fá brottfararspjald á tengiflugvelli.

Ef flogið er með öðrum flugfélögum en Icelandair á sama miða gætu aðrar reglur um farangursheimild átt við. Þær gætu átt við um ýmis gjöld og tollfrjálsan varning sem keyptur hefur verið á leiðinni. Auka farangursheimild fyrir tengiflug með öðru flugfélagi er einungis hægt að kaupa við innritun á flugvelli (það er ekki hægt að kaupa hana á vefsíðunni okkar).

Kynntu þér vandlega farangursreglur samstarfsaðila okkar og upplýsingarnar sem koma fram á miðanum þínum.