Flugflotinn okkar
Lega Íslands mitt á milli meginlands Evrópu og Norður-Ameríku er lykillinn að leiðakerfi Icelandair. Ísland er miðpunktur allra áætlunarflugleiða og tengiflug fer á loft þaðan til áfangastaða í austri og vestri. Hagkvæmar og afkastamiklar Boeing flugvélar henta sérstaklega vel í þessu leiðakerfi.
Í apríl 2023 tilkynnti Icelandair að félagið myndi taka í notkun Airbus flugvélar árið 2025, til viðbótar við Boeing-flotann. Lestu nánar um framtíðaráform varðandi flugflotann.
Millilandaflug
Langdrægni Boeing 757 vélanna gerir þær að hentugum kosti fyrir flug til vesturstrandar Bandaríkjanna og Kanada.
Boeing 767 vélarnar taka við miklum fjölda farþega og hafa þar að auki gott rými fyrir fraktflutninga. Þær henta vel í flug til tiltekinna landa í Evrópu og til austurstrandar Bandaríkjanna, þar sem báðir þessir eiginleikar vélanna nýtast sem best.
Boeing 757 MAX 8 og Boeing 737 MAX 9 vélarnar eru nýjasta viðbótin við flotann. Í þeim fer saman minni eldsneytisnotkun, minni hávaðamengun og framúrstefnuleg hönnun á farþegarýminu.
Innanlandsflug og Grænlandsflug
Í mars 2021 var starfsemi Icelandair og Air Iceland Connect samþætt og innanlands- og millilandaflug sameinað undir merkjum Icelandair. Samþætting félaganna er liður í að efla innanlandsflugið og Grænlandsflugið sömuleiðis. Við samþættingu félaganna bættust De Havilland Canada vélar við flota Icelandair.
